由<意馬>到<夢馬> (高偉豪你系得既)

[mUser]

有人有心有理想搞CG, 點解會有人唔支持和潑冷水? 是否想CG業縮小才開心?

唔好咩事都反對, 百花齊放才是對業介好。

贊同你既說法 ~~ 有人攪CG公司 有人有工開 , 當然對行業有正面好處。
不論Imagi又好 Tfilms又好 , 他們都養活左好多好多CG人 , 呢個系事實。
如果無左呢d公司, CG業當然一定會委縮 , 無人會樂見..

不過網上討論區 就系大部份人將心底說話講出黎既地方 , 所以一人一小句既不滿 , 退後一步看就系好大既負能量...

雖然我認為Imagi摺埋既最大責任系高先生, 但呢個只系常理去推斷 , 作為一個局外人對呢件事既個人意見 ,
但見有人說他"好心做壞事" , 又點解會推到咁極端 ? 有錢做生意 , 而明知呢盤生意系"難做"既 , 最後都崖左10年 ,養活幾百人 , 亦都出左幾套作品先執 ...
咁叫做"做壞事" ?

[風之谷]

原來幾多人介意"局外人""局內人"的分類，之前有人認為局外人唔應該再落井下石。
難道曾經系I員工就可作局內人?說話份量可以重d?
如果系咁我唔浪費個呢身份，

我更正，我系話好心系可以做壞事，
唔系話go 生已經好心做o左壞事，

我認為I摺埋既最大責任唔系高先生
系I的員工(唔駛自動對號入座，如果你敢自問無問題)
呢個系個人真心同有誠意的批評，
員工質素，員工自己都要付上好大責任，
我真系唔想講到太白，
幾年的見證如無資格作呢番批評咁我都心淡啦，
想同行的人多d熱忱放系cg度，先致使忽行打咁多字。
(當知道有好多人系屋企未install過maya，
原來一般人放o左工系真系會放下學習，可想而知專業有幾專..)
先停，再形容下去...會變成數不是..

因為高先生資本多...好似可以用$解決好多野，
...所以我地先太容易想付出少d力，成績可以好。
但真正的資本唔系$...系每一個員工的質素，
大多原因會影響呢樣野，
例如..社會的藝術風氣，教育等先天條件，
我唔覺得香港系呢方面系有過長進，先天條件應該無啦，
所以似乎只有後天的努力呢2個字，先可以惡補，
但有幾多人無條件努力去學呢?

答案系，如果冇得食飯.....比我都唔會做啦!
問題系....有人話..."呢度有個好地方，少少努力都可以喝碗湯!"
我去....點解唔去?

(出面世界如果公司搵唔到$ 重養你?比夢想你?
唯有死命去做，地獄世界，餓你唔死，
又好難發達，但至少生態怪雞地平衡，唔死重做緊又肯學的人
奇經百脈想唔通都幾難，形成地道港式animator，重之唔系I果只。)

之後政府話...."ok喎....我可以開course十卜你，有供有求好歡喜。"
如果入行的學生質素可以keep高，泡沫都未必會有的。
但系真系旨意香港的教育?
好多course差唔多比$就可以畢業喎~!

佢又唔系政府, 又唔系開善堂, 佢要點攪系佢嘅自由, 你有權選擇唔同佢打工。可能有人睇唔過眼佢有錢, 但系資本主義社會系咁。

呢句說話重可以發展到
我又唔系聖人，我唔做野佢又肯請我，我都吹佢唔X脹，我人工高過你tim...可能有人睇唔過眼我, 但系資本主義社會系咁。

他人種的困，我地受的果...ok 呀...系平衡到呀

嘩! 咁有見地, 不如比D有建設性的建議? 如何搞好CG業?

願聞其詳!

你好似同問人如何發達一樣，你咁問我唔識答。
我只好答你先要致富，才能發達。
我諗先問d有建設性的問題先，咁可能易d討論。

我個人好老土，
比的意見暫時只系針對個人，因為我自問無能力睇通睇透個行業。
而對個人的就只有6個字......就系努力，努力同努力，
可能你會覺得廢，
不過我真系只想講呢6個字!!

最後我重申，我贊成任何對業界的刺激，
反正之後一定會如macrossmo 所言...海浪會平息的，
重可以有機會有新氣象，有咩唔好??
我只希望死的士兵會少d o者。

[C.K.]

停一停, 諗一諗...

i記本身系有問題,錯左員工唔進修?錯在高生亂咁投資?
錯在i記唔應該系香港出現..

有時唔應該話i記系溫室, 只系成個行業部分公司只顧自己利益漠視員工福利.
相對於世界各地區, 香港公司對員工待遇有幾差大家心裡有數.
唔好將d唔fair既事合理化.
eg: 系香港做野系咁架啦, 人地俾得錢你預左.(sorry,好多人無預到連訓既時間都預左俾公司ot)

至少i記對員工相對公平合理. (應該無人會反對)

人類文明都系由分工開始..cg都唔例外. i記系香港只系走得太前.
i記員工應該面向世界, 前境比留港發展好得多.
只系香港只適合開中小型cg公司.

i記比香港同業行快左, 亦都代表香港唔適合做"大型"動畫.簡略原因如下:
1. 租金貴.
2. 員工月薪高.
3. 缺乏人才.
4. 市場細.
5. 無平台.
6. 缺乏政府支持.

預計高生今次再搞公司會以香港為創作中心, 杭州為制作基地.
以便宜既人工,地租. 大市場(中國市場),
相對有地方電視台作為平台加上中央支持動畫工業.
加上用香港人創作作招來.
相比中國本土動畫無論技術,創意都占有優勢.

大家都唔好抱太大期望有另一個大泡沫系香港爆, 因為可能連爆既機會都無.
理性分析每件事, 唔好一開始就先入為主.

[Dxxk Mx]

各位朋友

[風之谷]

嗯，似乎白打字了。
不過唔緊要。
你講的大部份都同意，
不過似乎論題唔同，再討論都唔會有結果的。

你講的系最大的環境，我一路只系針對最小如個人的 心態。

點都好，我但願你推斷的未來系正確。
i記員(其實系唔系I記都好啦)工可以放眼世界，
會過得好過d 本地中小公司。

[h2o]

每個人身處既位置角色唔同, 睇件事都會唔同, 局外人局內人自有一套睇法, 唔鍾意睇既人自然唔會 click 入黎睇. 有d 人想了解多d, 睇下唔同既角度就會爬文慢慢睇, forum 既意義都系咁既姐.


CK兄講香港唔適合做"大型"動畫既原因, 我都認同一半.

香港做既大片俾番香港睇實死硬, 市場細, 無平台系啱. 但如果個 market 系世界性呢? 雖則 animation 既觀眾系好難世界性, 歐洲, 亞洲, 美洲已經系3個唔同既 style. 法國出既片, 通常歐洲地區收得, 其他就唔得. 宮崎駿主要都系亞洲市場, 其次系歐洲, 美洲...亦可以話美洲系唔收得. 如果 base on 呢條數計黎控制 budget, 正路系唔會死錯人.

成本貴, 系貴在d 咩呢? 香港商業樓租金系勁貴, 但工業區其實 ok 架. 人工方面, 香港當然貴過大陸, 但同日本/ 外國比, 我地都算少. 攪公司既成本系細, 因為香港稅率低, 仲低過中國添.

人才方面, 涉及好多野, 風之谷都提過.

最後要政府支持的話, 我地又睇下業界做過d 咩同政府溝通先? 電影業老細們會同政府中人一齊講數, 我地d 老板們就 x記唔妥 y記, y記又唔妥 z記.... 業界都唔坐底傾, 咁要政府點幫你呢?

cg 界有位高貴既老板, 如果佢肯出面同政府傾, 一定會易好多. 但可惜佢喜歡自己行事, 又視同行如敵國....

[C.K.]

香港其實處於一個曖昧位置...

水兄, 唔只系講香港同其他國家地區比較, 而系投資者點睇香港.

深圳一水之隔人工減半甚至七成.. 以一部大型電影時間計算乘數效應平得多..
投資者從來只睇成本, 風險,回報.
以香港同大陸地區比較, 以大陸地區作為制作基地既阻力有:
1. 技術問題.
2. 工人質素.
以上問題基本上可以通過香港作監督,管理,策劃去解決.

條數就咁計..
eg:
時間: 1年
制作人數: 200
技術人數: 20

全香港員工計: (200+20) x 10,000 x 12 = 26,400,000
大陸制作, 香港作技術支援: (200 x3,000 + 20 x10,000) x12 =9,600,000

再以香港公司同大陸公司比較, 邊度稅率低就系邊度出.. 又俾少d錢.
租金唔再計, 點都系大陸地租+香港地租 平過全香港地租.
以成本計算可以更加低成本.

但兩地公司隱憂系需要時間磨合,兩地政府政策唔同.
早幾年就擾心大陸局勢內政問題, 而家大陸環境慢慢變得適合營商.
香港更加簡單,小政府大市場. 回歸十幾年慢慢同大陸相容..
政府問題已經變得模糊化..
時間磨合作為一個投資"大型"動畫投資者黎講唔系大問題..以全香港制作一年費用, 可以俾大陸香港兩地公司用三年.

以上都系"大型"動畫,漫畫公司未來系香港可以持續發展既方向.
數就咁計, 本身計數唔好, 有錯勿插.
純粹個人睇法同推測,無實質數據支持.
動畫內容, 市場方向等問題都系後話,不在此討論當中.(即系文中所講風險同回報.)

題外話: 其實而家i記摺埋正為下一個投資者提供一定既人才. 對比起重新建組一個新系統更有成本效益.
--------------------------------------------------------------------------------------------------------------

政府可以諗下計出d project 俾cg行業.
提供平台 eg: 開放免費電視頻道.以某個播放時段作為交換免費電視頻道經營權為條件, 政府出錢做d短片教育市民. 以輕松動畫講解政府政策等等.

單靠各位大老板同心去做難過登天,行業最終都需要工會.(呢個問題都討論過)
睇下幾時有人企出黎, 香港cg先有一番新境象.

以上真系亂講. 只系拋磚引玉, 引發大家更多建議.

[h2o]

icic 明白

香港 cgers 幾適合做外國大 production 既二線基地, 類似 星加坡咁, 唔系搶香港既 jobs, 而系出 animation film.

香港管理, 大陸制作都好, 可以集中中國市場放映. 工人質素系比較參差, 頭幾年發展會比較慢, 但儲左一批核心人物, 之後就會好好多. 至於技術問題, 以前就驚 train 左既人會比其他公司搶, 但我見依家 d 外國公司中國分部, train 出黎既人好勁. 大陸 cger 既能力 overall 都上升緊, 只要公司出品既 animation 有番咁上下, 佢地都好樂意效力

工會方面.... 搵咩人攪, 點樣攪? 有份量既人勁忙, small potato 又唔敢出聲, forum 隱性埋名個個都識得嗌, 但一話要出面就笠水

其實 cg 界已經有d 乜會物會, 好多都系各界高層, 但呢個時候去左邊呢.... 可能好低調做緊野, 我唔知掛

[俊565]

香港其實處於一個曖昧位置...

水兄, 唔只系講香港同其他國家地區比較, 而系投資者點睇香港.

深圳一水之隔人工減半甚至七成.. 以一部大型電影時間計算乘數效應平得多..
投資者從來只睇成本, 風險,回報.
以香港同大陸地區比較, 以大陸地區作為制作基地既阻力有:
1. 技術問題.
2. 工人質素.
以上問題基本上可以通過香港作監督,管理,策劃去解決.

條數就咁計..
eg:
時間: 1年
制作人數: 200
技術人數: 20

全香港員工計: (200+20) x 10,000 x 12 = 26,400,000
大陸制作, 香港作技術支援: (200 x3,000 + 20 x10,000) x12 =9,600,000

再以香港公司同大陸公司比較, 邊度稅率低就系邊度出.. 又俾少d錢.
租金唔再計, 點都系大陸地租+香港地租 平過全香港地租.
以成本計算可以更加低成本.

但兩地公司隱憂系需要時間磨合,兩地政府政策唔同.
早幾年就擾心大陸局勢內政問題, 而家大陸環境慢慢變得適合營商.
香港更加簡單,小政府大市場. 回歸十幾年慢慢同大陸相容..
政府問題已經變得模糊化..
時間磨合作為一個投資"大型"動畫投資者黎講唔系大問題..以全香港制作一年費用, 可以俾大陸香港兩地公司用三年.

以上都系"大型"動畫,漫畫公司未來系香港可以持續發展既方向.
數就咁計, 本身計數唔好, 有錯勿插.
純粹個人睇法同推測,無實質數據支持.
動畫內容, 市場方向等問題都系後話,不在此討論當中.(即系文中所講風險同回報.)

題外話: 其實而家i記摺埋正為下一個投資者提供一定既人才. 對比起重新建組一個新系統更有成本效益.
--------------------------------------------------------------------------------------------------------------

政府可以諗下計出d project 俾cg行業.
提供平台 eg: 開放免費電視頻道.以某個播放時段作為交換免費電視頻道經營權為條件, 政府出錢做d短片教育市民. 以輕松動畫講解政府政策等等.

單靠各位大老板同心去做難過登天,行業最終都需要工會.(呢個問題都討論過)
睇下幾時有人企出黎, 香港cg先有一番新境象.

以上真系亂講. 只系拋磚引玉, 引發大家更多建議.

政府既宣傳片系投標,有d 公司唔系專做3D 系做拍野, 用動畫講解唔系唔得, 只系間接趕絕緊某d 專做拍片公司, 其實政府宣傳片 依家投標既方式 我覺得好合理

[C.K.]

政府既宣傳片系投標,有d 公司唔系專做3D 系做拍野, 用動畫講解唔系唔得, 只系間接趕絕緊某d 專做拍片公司, 其實政府宣傳片 依家投標既方式 我覺得好合理

唔好意思, 我表達得唔好,講解一下..

1.政府政策其實系好悶既topic, 以簡單既方式去講解比真人做易明好多.(eg: 動畫, 拍片, stop motion etc.)我蠢諗唔到其他表達方式,可以自己加上去.
2.宣傳片系照拍.系增加供應量.(政府政策同宣傳片唔一樣)
3.開放頻道目的:
a:提高香港人對政府熟識度. (香港人一向政治冷感, 基本法都唔知有幾條).
b:提供平台俾多媒體發展.

我都系打份工, 無相關專業知識,智慧有限好多野無考慮周全.
只系提出建議. 識得相關知識既人可以出黎講下.

[C.K.]

off topic:
回水兄,

或者香港人習慣長期被人統治既習性. 默默耕耘唔到最後都唔出聲.
每個人都唔同既野要背負. 真系要等"孫中山"出現來帶頭.
未深入了解工會呢個topic. sorry..

cg界乜會物會, 好多純粹技術上既交流,討論.
當大家遇到商業利益沖突就各掃門前雪.
唔知d大老板又無諗過油公司d油價可以齊加齊減呢??

[wkin99]

投標做政府d宣傳片的唔系拍片公司或動畫公司,而系廣告公司,廣告公司度好條廣告橋再交制作公司(拍片或動畫)做野,投標已經是價低者得,再一層層咁食一節,d制作完全無肉可食,不過有野做好過無,也有新公司值此儲作品.

[h2o]

cg 界既工會定位比較尷尬, 一方面為業界(老板)爭取多d 發展; 另一方面員工都想爭取多d 休息時間, 少d OT 等等

點樣做好呢個平衡, 已經諗爆頭....

[wkin99]

cg 界既工會定位比較尷尬, 一方面為業界(老板)爭取多d 發展; 另一方面員工都想爭取多d 休息時間, 少d OT 等等

點樣做好呢個平衡, 已經諗爆頭....

另一方面員工都想爭取多d 休息時間, 少d OT 等等
這不單單是CG從業的情況,機乎是大部份打工仔情況!!

[johngalliano]

cg 界既工會定位比較尷尬, 一方面為業界(老板)爭取多d 發展; 另一方面員工都想爭取多d 休息時間, 少d OT 等等

點樣做好呢個平衡, 已經諗爆頭....

另一方面員工都想爭取多d 休息時間, 少d OT 等等
這不單單是CG從業的情況,機乎是大部份打工仔情況!!

我們應集體反對OT, 那些老板, producer, 平時好准時放工, 交貨果日先要開夜, 就叫做好似好並肩作戰咁, til !。佢地縱壞曬d廣告公司同廢柴導演, 9up多過mud, 亦將失敗推落制作人員到, 有獎就自己拎。